Angkor Wat Temple 2021|जगातील सर्वात मोठे हिंदू मंदिर – अंगकोर वाट | जगातील आठवे आश्चर्य – अंगकोर वाट मंदिर

आपली भारतीय संस्कृती ही सर्वात प्राचीन संस्कृती मानली जाते. भारताबाहेरही आपल्या या प्राचीन भारतीय संस्कृतीची साक्ष देणारी मंदिरे आहेत. कंबोडिया या देशात असलेले अंगकोर वाट मंदिर (Angkor Wat Temple 2021) हे जगातील सर्वात मोठा परिसर असलेले हिंदू मंदिर आहे.

अलीकडेच इटलीच्या पॉम्पेईला मागे टाकत अंगकोर वाट मंदिर जगातील आठवे आश्चर्य बनले आहे. अगोदरच गिनीज बुकमध्ये जगातील सर्वात मोठी धार्मिक रचना म्हणून या मंदिराची नोंद होती.

आजच्या या लेखात आपण अंगकोर वाट (Angkor Wat Temple) मंदिराबाबत माहिती जाणुन घेऊ या.

जगातील आठवे आश्चर्य – अंगकोर वाट मंदिर (Angkor wat Temple)

  अंगकोर वाट मंदिर कोणी निर्माण केले : Angkor Wat Temple History

कंबोडियामध्ये खुप मोठ्या प्रमाणात हिंदू आहेत. त्यासोबतच बौद्ध स्मारकेही बरीचशी आहेत. अंगकोर वाट मंदिर हे कंबोडियातील अंकोर या शहरात आहे. या शहराचे प्राचीन नाव यशोधरपुर असे होते. अंगकोर वाट मंदिर हे यूनेस्कोच्या जागतिक वारसा ठिकानांच्या यादीत समाविष्ट झाले आहे.

अंगकोर वाट मंदिर हे प्रामुख्याने विष्णु मंदिर आहे. असे असले तरी येथे ब्रम्ह आणि शिव यांच्याही प्रतिमा आहेत. या मंदिराचे निर्माण कार्य अंगकोरचा राजा सूर्यवर्मन द्वितीय याने बाराव्या शतकात केले.

राजा सूर्यवर्मन याने आपल्या मृत्युनंतर आपले स्मारक राहावे म्हणून या मंदिराचे निर्माण कार्य केले असे म्हटले जाते. म्हणून या मंदिराला pyramid temple असेही म्हटले जाते.

या मंदिराचे अद्भुत स्थापत्य आणि भव्य शिल्पकला असल्याने त्यास व्रह विष्णुलोक असेही म्हटले जात असे.

अंगकोर वाट मंदिराचा परिसर आणि बांधकाम : जगातील आठवे आश्चर्य – अंगकोर वाट मंदिर

अंगकोर वाट मंदिर हे वास्तविक मंदिरांचा समूह आहे. मंदिराचे बांधकाम हे कमीअधिक उंचीच्या तीन प्रांगणात केलेली आहे. अंगकोर वाट मंदिराच्या चारही बाजूंनी पाण्याची खंदके आहेत.

अंगकोर वाट मंदिर हे पश्चिममुखी आहे. या मागे असे कारण सांगितल्या जाते की, वैकुंठाला जाणारा मार्ग हा पश्चिम दिशेकडे आहे. या मंदिराची रचना पुराणात उल्लेख असलेल्या मेरु पर्वताला डोळ्यासमोर ठेवून केलेली आहे.

ज्या परिसरात हे मंदिराचे बांधकाम केले आहे त्याची लांबी – रुंदी 1500 *1300 आहे. मुख्य मंदिराच्या सभोवतीला एकुण पाच गोपुरे आहेत. त्यामधील भिंतीवरील शिल्पकला खुप सुंदर आहे.

मेरु पर्वतास जसे वासुकी नागाने विळखा घातलेला होता त्याचे प्रतिक म्हणजे या भिंती होत. गोपुरांच्या वरच्या भागावर ब्रम्हदेवाचे मुख कोरलेले आहे. गोपुरांच्या खालच्या भागात हत्ती कोरलेले असून प्रत्येक हत्तीच्या सोंडेत कमळाचे फूल आहे. हे दृश्य पाहून आपले मन नक्कीच भारावून जाते.

या मंदिराच्या भिंतीवर आणि गोपुरांवर देवंताच्या आणि अप्सरांची शिल्पे कोरलेली आहेत. ही गोपुरे हत्ती दरवाजे म्हणूनही ओळखली जातात. कारण त्यामधून हत्ती सहज जाऊ शकतो.

गोपुरांच्या आत आल्यावर दोन लहान आकाराच्या इमारती आहेत. त्या इमारती त्यावेळी पुरोहित, पंडित वापरत असावी. त्या इमारतीमधील भिंतीवर प्राचीन ख्मेर भाषेत रामायणातील श्लोक कोरलेले आहेत.

मंदिरांच्या भिंतीवर रामायणातील सीताहरण, अशोक वाटिकेत असलेले हनुमानजी, रावणाच्या दरबारातील अंगद प्रसंग कोरलेले आहेत. श्रीराम आणि रावण तसेच कौरव आणि पांडव यांच्यातील युद्धाचे देखावे कोरलेली आहेत. त्याच बरोबर समुद्र मंथनाचा प्रसंगही  कोरलेला आहे. भगवान विष्णु आणि असुर तसेच श्रीकृष्ण आणि बाणासुर यांचे युद्ध यांचेही देखावे कोरलेले आहेत. परिसरातील एका सज्ज्यात तथागत भगवान गौतम बुद्ध यांच्याही मुर्त्या आढळतात.

कंबोडिया या देशाने आपल्या राष्ट्रध्वजावर या मंदिराची प्रतिमा ठेवून आपल्या देशातील या प्राचीन वारशाचा उचित सन्मान केलेला आहे.

Angkor Wat Temple Photos :

तुम्हाला आमचा अंगकोर वाट मंदिर (Angkor Wat Temple 2021) हा लेख कसा वाटला ते जरुर कळवा.

तुम्हाला जर ब्रुहदिश्वर मंदिराबाबत माहिती जाणुन घ्यायचे असेल तर तुम्ही खालील लिंकवरून माहिती घेऊ शकता.

Brihadeeshwar Temple Information In Marathi 2021 | अद्भुत स्थापत्यशास्त्राचा नमुना बृहदिश्र्वर मंदिर तंजावर

तुम्ही आमच्या http://www.marathitrader.in या शेअर मार्केट विषयी असलेल्या वेबसाइटला भेट देऊ शकता.

• अंगकोर वाट मंदिर कोणत्या देशात आहे?

• अंगकोर वाट मंदिर कोणी आणि का बांधले?

• जगातील आठवे आश्चर्य कोणते ठरले आहे?

• अंगकोर वाट मंदिराचे रहस्य काय आहे?

या सर्व प्रश्नांची उत्तरे तुम्हाला वरील लेखात मिळतील.

“थोडक्यात सांगायचे तर, अंगकोर वाट हे केवळ दगडांचे एक भव्य बांधकाम नसून ती प्राचीन भारतीय संस्कृती, वास्तुकला आणि खमेर साम्राज्याच्या सुवर्णकाळाची एक अत्यंत जिवंत गाथा आहे. सहस्राब्दीचा काळ उलटून गेला तरीही, आजही हे मंदिर जगातील सर्वात मोठे हिंदू मंदिर आणि ‘जगातील आठवे आश्चर्य’ म्हणून आपली मानचिन्हे अभिमानाने मिरवत आहे. जर तुम्हाला इतिहास, प्राचीन शिल्पकला आणि गूढ वास्तूंची आवड असेल, तर आयुष्यात एकदा तरी या ऐतिहासिक वास्तूची अनुभूती घेणे ही एक अविस्मरणीय पर्वणी ठरेल. तुम्हाला अंगकोर वाट मंदिराबद्दलची ही माहिती कशी वाटली, आम्हाला कमेंट करून नक्की सांगा आणि अशाच रंजक ऐतिहासिक माहितीसाठी ‘Historical Touch’ ला भेट देत राहा!”